《海上花列传》第59回攫文书借用连环计挣名气央题和韵诗的全文阅读页
泡泡小说网
泡泡小说 都市小说 言情小说 穿越小说 同人小说 重生小说 历史小说 耽美小说 科幻小说 乡村小说 网游小说 仙侠小说 竞技小说 热门小说
小说排行 架空小说 玄幻小说 武侠小说 综合其它 经典名著 短篇文学 校园小说 推理小说 总裁小说 灵异小说 军事小说 官场小说 全本小说
好看小说 亿万老婆 小姨多春 窝在山村 狼性村长 天才相师 留守少妇 盛世嫡妃 走村媳妇 锦衣夜行 江山美人 庶女有毒 月影霜华 天才狂妃
泡泡小说网 > 历史小说 > 海上花列传  作者:韩邦庆 书号:39861  时间:2017/9/8  字数:5231 
上一章   第59回 攫文书借用连环计 挣名气央题和韵诗    下一章 ( → )
  按:一午后,黄二姐到了黄翠凤家,将噪闹。黄翠凤令外场喊两把皮篷车,竟和罗子富作明园之游,丢下黄二姐坐在房间里,任其所为。

  及至明园泡下茶,翠凤还是冷笑道:“赎身文书来我手里,看俚再有啥法子!”子富道:“耐该应教个大姐陪陪俚。”翠凤头颈一扭道:“等俚歇末哉,啥人去陪俚嗄。”子富道:“勿局个囗。”翠凤道:“啥勿局,阿伯俚偷仔倪个家生?”子富道:“俚家生末勿要,赎身文书晓得来哚皮箱里,俚阿要偷嗄?”一句提醒了翠凤,登时白瞪瞪两只眼,失声道:“阿哟,勿好哉!”赵家(女每)在傍也是一怔,道:“划一勿好囗,倪快点转去罢。”

  子富令翠凤先行,翠凤道:“耐末生来一淘转去,倘忙拨俚偷仔去末,也好替我商量商量。”当下三人各坐原车赶回家中。

  一进家门,翠凤先问:“无(女每)阿来里楼?”外场回说:“刚刚转去,勿多一歇。”翠凤三脚两步,奔到楼上房间里。看看陈设器皿,并未缺少一件;再往背后打一看时,这一惊非同小可。翠凤跺脚嚷道:“难末勿好哉呀!”

  子富随后奔到,只见皮箱铰链丢落地上。揭开盖来,箱内清清只有一只拜盒。翠凤急的只是跺脚,又哭又骂,向黄二姐拼命。子富与赵家(女每)且劝翠凤坐下,慢慢商量。翠凤道:“商量啥嗄,俚是要我个命呀!我就死仔,难末俚有仔好处哉!”子富道:“耐末先拿我个拜区放好仔再说。”翠凤复从皮箱中取那只拜匣,别处收藏,忽然失惊打怪的喊道:“咿,倪只拜匣来里(口宛)!”既而恍然大悟道:“噢,俚拿差哉,拿仔罗老爷个拜匣去哉!”说着,呵呵大笑。子富听说,慌问:“我只拜匣阿来里嗄?”翠凤捧出那只拜匣给子富看,嘻嘻笑道:“俚拿差哉,拿仔耐个拜匣。倪拜匣末倒来里。”子富面色如土,拍腿说道:“难末真真勿好哉!”翠凤道:“耐只拜匣勿要紧个,俚拿得去也无啥用场。阿敢去变洋钱,俚也无拨场花好变(口宛)。”

  子富呆想不语。翠凤乃叫赵家(女每)吩咐道:“耐去搭无(女每)说,该只是罗老爷个拜匣,问俚拿得去做啥?故歇罗老爷等来要哉,原教俚拿得来。”赵家(女每)答应而去。子富终有些忐忑惶惑。翠凤却决定黄二姐断无扣留不放之理。

  一会儿,赵家(女每)回来,见了子富,先拍着掌笑一阵,然后复道:“故末笑话,俚哚还勿曾觉著拿差个呀,倒快活煞。我说是罗老爷个拜盒,难末刚刚晓得仔,呆哉,一声闲话响勿出。我末笑得来!俚哚教我带转去,我说‘勿管’就走。”子富跌足道:“嗳,耐为啥勿带仔来嗄?”赵家(女每)道:“俚哚拿得去个末,让俚哚自家拿得来。”翠凤接口道:“勿要紧个,晚歇定归来。”

  子富像热锅上蚂蚁一般,坐不定,立不定,着急得紧。翠凤见子富着急,令赵家(女每)去催。子富止住,把高升唤至当面,令向黄二姐索取拜盒,并道:“耐闲话(要勿)去多说,就说我有事体,要用着个拜盒,快点拿得来带转去。”

  高升领命,径往尚仁里黄二姐家。黄二姐见是高升,面堆笑,请去后面小房间。高升致主人之言,立等要那拜盒。黄二姐道:“拜盒来里呀,我要搭罗老爷说句闲话。耐(要勿)要紧,请坐囗。”高升不得已坐下。黄二姐喊人泡茶,从容说道:“耐来得正好。我有多花闲话来里,拜托耐去说拨罗老爷听。先起头翠凤来里做讨人,生意闹猛得野哚;为仔倪搭开消大,一径无拨多洋钱。翠凤赎仔个身末,勿好哉,生意一点也无拨,开消倒省匆来。一千洋钱个身价,勿知勿才用完,难末无法子哉(口宛)!原来搭个翠凤商量,借几百洋钱用用,陆里晓得个翠凤定归勿借;跑仔好几埭,俚倒定归回报我无拨。我想耐翠凤小个辰光,梳头脚才是我,出理耐到故歇,总当耐是亲生囡仵,耐倒实概无良心!我第一转开口,耐就一点情面才无拨,故末气得来要死。今朝我也匆说哉,有心要拿俚个赎身文书难难俚。拿着仔俚赎身文书末,喊俚转来,原搭我做生意。俚倘然再要赎身末,定归要一万洋钱哚。再勿靠帐拿差仔,勿是个赎身文书,倒拿仔罗老爷个拜匣。罗老爷是再要好也无拨,生意末照应仔倪几几花花,就是小个场花也幸亏罗老爷十块廿块借拨我用。我匆像是翠凤个无良心,时常来里牵记个罗老爷。坎坎晓得是罗老爷个拜匣,我就忙煞个要送得来。不过我再来里想,翠凤搭仔罗老爷赛过是一个人,罗老爷个拜匣赛过是翠凤个拜匣。我末气匆过个翠凤,要借罗老爷个拜匣押来里,教翠凤拿一万洋钱来赎得去。等翠凤一万洋钱拿仔来,我就拿拜匣送还拨罗老爷。耐转去搭罗老爷说,教罗老爷放心末哉。”

  高升听这一席话,吐吐舌头,不敢擅下一语,回至兆富里,一五一十细细说了。翠凤听至一半,直跳起来,嚷道:“啥个闲话嗄,放也匆实概放个(口宛)!”子富也气得手足发抖,瘫在榻,说不出半句话。翠凤呆了一呆,-地站起身来,说声“我去”就要下楼。子富一把拉住,问:“耐去做啥?”翠凤道:“我要去问声俚:阿是要我个命!”子富连忙横身拦劝道:“耐慢点囗!耐去无啥好闲话。我去罢,看俚阿好意思说啥!就依俚末,也不过借几百洋钱末哉。”翠凤咬牙切齿恨道:“耐要气杀我哉,再要拨洋钱俚!”

  子富即喊高升,打轿前去。小阿宝着,请至楼上先时翠凤住的房间。黄金凤、黄珠凤同声叫“姐夫”并说:“姐夫长远勿来裁。”子富问:“耐无(女每)囗?”小阿宝说:“来来哉。”

  道声未了,黄二姐已笑掀帘进房,踅到子富面前,即扑翻身磕了个头,口中说道:“罗老爷(要勿)动气,我搭罗老爷磕个头,种种对勿住罗老爷。罗老爷个拜匣末,就该搭放两,同放来哚翠凤搭一样个呀。罗老爷一径搭倪要好煞,倪阿敢糟蹋仔拜匣里个要紧物事,难为罗老爷?耐罗老爷索(要勿)管,勿怕翠凤勿赎得去。等翠凤发极仔,自家奔得来寻我,难末好说闲话哉。翠凤个人匆到发极辰光,陆里肯气气拿一万洋钱来拨我。”

  子富听其一派胡言,着实生气,且忍耐问道:“耐瞎说末(要勿说说,终究要借俚几花,说拨我听听看。”黄二姐笑道:“罗老爷,我匆是瞎说呀。起初不过借几百洋钱,故歇倒勿是几百洋钱个闲话哉。翠凤无良心,难下去再要无拨仔洋钱,翠凤生来勿借拨我,我也无啥面孔再去搭翠凤借。难得故欧有罗老爷个拜匣来里末,定归要敲俚一敲哉!一万例勿曾多囗。前天,汤老爷拿得来房契阿是也有一万哚?”子富道:“价末耐来敲我哉,勿是为翠凤!”黄二姐忙道:“罗老爷勿是呀,翠凤陆里有一万洋钱?生来搭罗老爷借。罗老爷一节个局帐有一千多,勿消三年,就局帐扣清仔好哉。罗老爷阿对?”

  子富无可回答,冷笑两声,迈步便走。黄二姐一路送出来,又说道:“难末种种对勿住罗老爷,总归是无拨生意个勿好,用完仔洋钱无法子。横竖要饿杀末,阿伯啥难为情嗄?倘然翠凤再要搭我两个强,索一把火烧光仔歇作,看俚阿对得住罗老爷!”

  子富装做不听见,坐轿而回。翠凤问如何。子富唉声叹气,只是摇头。问的急了,子富才略述大概。翠凤暴跳如雷,抢得一把剪刀在一定要死在黄二姐面前。子富没得主意,听其自去。

  翠凤跑至楼下,偏生撞见赵家(女每),夺下剪刀,且劝且拦,仍把翠凤抱上了楼。翠凤犹自挣扎道:“我总归要死个哉呀,为啥一班人才要帮俚,勿许我去嗄?”赵家(女每)按定在高椅上,婉言道:“大先生,耐死也无行用(口宛)。耐末就算死哉,俚叹也拚仔死末,真真拿只拜匣一把火烧光仔,难罗老爷吃个亏常恐要几万哚囗。”子富听说,只得也去阻止翠凤。翠凤连晚饭也不吃,气的睡了。

  子富气了一夜,睁睁的睡不着。清早起来,即往中和里朱公馆寻着汤啸庵,商议这事如何办法。啸庵道:“翠凤赎身不过一千洋钱,故歇倒要借一万,故是明明白白拆耐个梢。若使经官动府,倒也不妥。一则自家先有狎差处;二则抄不出赃证,何以坐实其罪?三则防其烧毁灭迹,一味混赖。一拜匣个公私文书,再要补完全,不特费用浩繁,且恐纠棘手。”子富寻思没法,因托汤啸庵居间打话,啸庵应诺。

  子富遂赴局理事,直至傍晚公毕,方到了兆富里黄翠凤家。下轿进门,只见文君王正在客堂里闲坐,特地叫声“罗老爷”子富停步,含笑点头。君玉道:“罗老爷阿看见新闻纸?”子富大惊失,急问:“新闻纸说啥嗄?”君玉道:“说是客人个朋友,名字叫个啥…噜苏得野哚!”说着又想。子富道:“名字(要勿)想哉,客人朋友末啥个事体?”君玉道:“无啥事体,做仔两首诗送拨我,说是上来哚新闻纸。”子富“嗑”的笑道:“倪勿懂个。”更不回头,直上楼去。

  文君玉不好意思,别转脸来向个相帮说道:“我刚刚搭耐说上海个俗人,就像仔罗老爷末也有点俗气。拗空算客人,连搭仔做诗才匆懂,也好哉!”相帮道:“难末拌明白哉,耐说上海客人才是人,我倒一吓。耐生意海外得来,故是成成夜,出来进去,忙煞哉(口宛),大门槛阿要踏坏嗄。陆里晓得陌生人耐也说是人。”君王道:“耐末瞎哉囗。我说个俗人勿是呀,要会做仔诗末就匆俗哉。”相帮道:“先生耐(要勿)说,上海丝茶是大生意。过仔垃圾桥,几花湖丝栈,才是做丝生意个好客人,耐仔末晓得哉。”

  君王又笑又叹,再要说话,只听相帮道:“难末真个人来哉。”君玉抬头一看,原来是方蓬壶,即诉说道:“俚哚喊耐俗人,阿要讨气?”蓬壶踅进右首书房,说道:“讨气倒勿要紧,耐搭俚哚说说闲话,(要勿)拨俚哚俗气熏坏仔耐。”君玉抵掌懊悔道:“故例划一,幸亏耐提醒仔我。”

  蓬壶坐下,袖中取出一张新闻纸,道:“红豆词人送拨耐个诗,阿曾赏鉴过歇?”君王道:“勿曾呀,让我看囗。”蓬壶揭开新闻纸,指与君玉看了。君玉道:“俚来说啥?讲拨我听囗。”蓬壶带上眼镜,将那诗朗念一遍,再演解一遍,君王大喜。

  蓬壶道:“耐该应和俚两首送拨俚,我替耐改。题目末就叫‘答红豆词人即用原韵’九个字,阿是蛮好?”君王道:“七律当中四句,我做勿来,耐替我代做仔罢。”蓬壶道:“故末生活哉!明朝倪海上坛正,陆里有工夫?”君王道:“谢谢耐,随便啥做点末哉。”蓬壶正道:“耐啥个闲话嗄!做诗是正经大事体,阿好随便啥做点!”君王连忙谢过。蓬壶又道:“不过我替耐做倒要写意点,忒啥个惨淡经营,就匆像耐做个诗,俚哚也匆相信哉。”君王亦以为然。于是蓬壶独自一个闭目摇头,口中不住的“呜呜”作声;忽然举起一只指头,向大理石桌子上戳了几戳,划了几划,攒眉道:“俚用个韵倒勿容易押,一歇倒做勿出,等我带转去做两句出色个拨耐。”君玉道:“该搭用夜饭哉呀。”蓬壶道:“(要勿)哉。”君玉复嘱其须当秘密而别。

  蓬壶踱出兆富里,一路上还自言自语的构思琢句,突然刺斜里冲出一个娘姨,一把抓住蓬壶臂膊,问:“方老爷陆里去?”蓬壶骇愕失措,挤眼注视,依稀认得是赵桂林的娘姨,桂林叫做“外婆”的。蓬壶便也胡乱叫声“外婆”外婆道:“方老爷为啥倪搭勿来?去囗!”蓬壶道:“故歇无拨空,明朝来。”外婆道:“啥个明朝嗄!倪小姐牵记煞耐,请仔耐几埭哉,耐勿去!”不由分说,把蓬壶拉进同庆里,抄到尚仁里赵桂林家。

  赵桂林进房间,叫声“方老爷”道:“阿是倪怠慢仔耐,耐一埭也匆来?”蓬壶微笑坐下。外婆搭讪道:“方老爷就前节壶中天叫仔局下来末,勿曾来歇。两个多月哉,阿好意思?”桂林接嘴道:“拨个文君王昏哉呀,陆里想得着该搭来?”蓬壶慌的喝住,道:“耐(要勿)睛说!文君王是我女弟子,客客气气,耐去糟蹋俚,岂有此理!”桂林哼了一声无语。外婆一面装水烟,一面悄悄说道:“倪小姐生意,瞒勿过耐方老爷。前节方老爷来里照应,倒哝仔过去。故歇耐也匆来裁,连天,出局才无投。下头杨媛媛末碰和吃酒,闹猛得来。倪楼冰清水冷,阿要坍台!”蓬壶不等说完,就叉口道:“单是个碰和吃酒,俗气得势。我前回替桂林上仔新闻纸,天下十八省个人,陆里一个勿看见?才晓得上海有个赵桂林末。实概样式,比仔碰和吃酒,难说哚!”外婆顺他口气,复接说道:“难方老爷原像前回照应点俚罢。耐一样去做个文君王,就倪搭走走,啥勿好?吃两台酒,碰两场和,故是倪要巴结煞哉!”蓬壶道:“碰和吃酒末,啥稀奇嗄?等我过仔明朝,再去搭俚做两首诗末哉。”外婆道:“方老爷,耐末无啥稀奇,倪倒是碰和吃酒个好。耐辛辛苦苦做仔啥物事送拨俚,俚用勿着(口宛)!就匆是碰和吃酒末,有场花应酬,叫叫局,故也无啥。”蓬壶呵呵冷笑,连说:“俗气得势!”

  外婆见蓬壶呆头呆脑,说不入港,望着赵桂林打了一句市俗泛语。桂林但点点头,蓬壶那里懂得?外婆水烟装毕,桂林即请蓬壶点菜,留便饭。蓬壶力辞不获,遂说不必叫菜,仅命买些熏腊之品。外婆传命外场买来,和自备饭菜一并搬上。

  第五十九回终—— pAOpAoXs.cOm
上一章   海上花列传   下一章 ( → )
泡泡小说网最新更新海上花列传最新章节,本章内容为全文阅读页,海上花列传免费阅读,本站页面无弹窗无广告,《海上花列传》情节跌宕起伏、扣人心弦,是一本情节与文笔俱佳的历史小说,访问速度快尽在泡泡小说网。